Një Lojë e Rë Për Eventet Virtuale

Eventet kanë qenë prej kohësh zemra e pothuajse çdo sektori të biznesit në botë. Sinergjia e përsosur e veprimeve,të pranishmëve dhe pjesëmarrësve ka formuar gjithçka.

Derisa 2020 ndërhyri.

Një nga një eventet filluan të shtyheshin, dhe më pas u kanceluan totalisht pasi u bë e qartë se edhe atje ku grumbullimet sanksionoheshin me ligj, të pranishmit nuk kishin ndërmend të vinin. Aty ku disa sektorë të biznesit kanë konsideruar të rrinë në vend për të pritur një kthim në normalitet, industria e eventeve shpejt zbuloi se kjo nuk ishte më një opsjon. Bota ka lëvizur përpara, dhe që nga viti 2020 është koha për t’u bërë të vërtetë (në mënyrë virtuale) me eventet.

Thirrja për takime dhe përshëndetje, kabina dhe argëtimi mbetet e pandryshuar, por dorëzimi i këtyre ka marrë një hap të madh. Kur shfaqja më e madhe në botë e teknologjisë së konsumit në botë, Consumer Electronics Show njoftoi se do të kalonte e gjitha në digjitale në 2021, ajo nxiti komentet se ishte e pozicionuar mirë dhe në mënyrë unike për ta bërë këtë. Që nga ajo kohë, asaj i janë bashkuar shfaqje jo-teknologjike, siç është Unified Wine & Grape Symposium, shfaqja më e madhe tregtare e sektorit të verës në Amerikën e Veriut. Alibaba ka nisur njëzet shfaqje tregtare virtuale për sektorin B2B duke filluar nga transporti i mallrave deri tek shëndetësia e shtëpisë; dhe shfaqja më e madhe tregtare e Kinës, Panairi i Importit dhe Eksportit të Kinës, ose Panairi i Kantonit, tashmë është virtual. Nga ky vit e tutje, eventi virtual ka kapërcyer në krye të normales së re. Kjo, nga ana tjetër, kërkon që bizneset e të gjitha llojeve të përshtaten me teknologjitë dhe metodologjitë e reja nëse ata do të vazhdojnë të përfitojnë nga kontakti me palët e tyre të interesit dhe klientët.

Një Lojë e Re për Eventet Virtuale shikon ndryshimin e sjelljes, përshtatjen e kontentit, ri-imagjinimin e strategjive dhe iniciativave, menaxhimin e pritshmërive dhe pjesëmarrjen, dhe mbi të gjitha krijimin dhe mirëmbajtjen e një eventi virtual tërheqës për biznesin. Artikulli shikon llojin e teknologjive në lojë, risqet e përfshira në tranzicion të suksesshëm, si dhe ndryshimet e mendësisë që kërkohet për të lulëzuar në një mjedis të ri komunikimi.

Akrepat e orës janë kthyer në mënyrë dramatike përpara; dhe madje edhe kur takimet fizike do të jenë përsëri një realitet, qasja e industrisë së ngjarjeve do të jetë transformuar përgjithmonë.

Lexoni artikullin e plotë këtu.


A e dini cili është tingulli i markës tuaj?

Trendi më i ri i ditëve të sotme, brandimi zanor, ka lindur si nevojë rreth 100 vite më parë. Në vitet ’20, rrjetet e reja radiofonike në SHBA, duhet të lajmëronin inxhinierët në filialet e shpërndarë në të gjithë vendin për nisjen e programeve të reja.

Përpjekjet e hershme për të kaluar nga një transmetim në tjetrin nuk ishin mjaft elegante dhe shpesh krijonin zhurma klikimesh të bezdisshme. Megjithatë, industria u përshtat shpejtë, duke krijuar sekuenca muzikore të shkurtra të cilat fshihnin tingullin e klikimeve dhe në të njëjtën kohë sinjalizonin fillimin e programit të ri. Një zgjidhje shumë e përshtatshme si për radion ashtu edhe për audiencën.

NBC – Kompania Kombëtare a Transmetimit, krijoi një xhingël prej 3 notash: Sol, Mi dhe Do. Me ngritjen e televizionit si institucion, si dhe krijimit dhe transformimit të shijeve të publikut, xhingëli i NBC vazhdon të luhet ende dhe sot, duke u bërë një prej brandimeve zanore më të njohura dhe më të vjetra të historisë. Epoka e radios na ka dhënë xhingëlat si një formë për të bërë diferencimin zanorë midis markave. Gjetja e një tingulli të këndshëm për veshin nuk ka qenë asnjëherë e lehtë, por kur godet, ajo krijon një lidhje gati intiutive midis audiencës dhe markës; si p.sh. në rastin e “Nationwide is on your side”, intro televizive e HBO apo hungërima e luanit të MGM.

Për pak kohë u duk sikur jo vetëm video e vrau yllin e radios por në të njëjtën kohë i nguli thikën dhe idesë që tingulli mund të funksionojë si një medium më vete. Mirëpo në kohën kur çdo gjë e vjetër është e re përsëri, audio është rikthyer në qendër të vëmendjes. Njerëzit po dëgjojnë përsëri. Sipas eMarketer, 77 milion njerëz në SHBA kanë dëgjuar podcast-e gjatë 2019, dhe ky numër pritet të rritet në 85 milion deri në 2023 duke përbërë vetëm 40% të të gjitha dëgjimeve digjitale. Spotify ka rreth 75 milion dëgjues në SHBA; Amazon Music 43 milion, Apple Music 37. Pandemia globale ka pasur ndikimin e saj me të dhënat që tregojnë se audienca por rikthehet edhe pse për momentin përmbajtjet e shkurtra marrin më
shumë vëmendje. Ky lloj mediumi ka të bëjë mbi të gjitha me dëgjimin. Është pasiv. Sot, teknologjia kërkon ndërveprim të
konsumatorit me markën, të jetë aktiv. Kërkon që bashkëbisedimi të jetë i dyanshëm. Të gjithë telefonat tonë kanë aplikacione me asistent personal të cilët bëjnë më shumë se sa thjeshtë t’i përgjigjen pyetjeve të kërkimit. Telefonat tonë i përgjigjen pyetjeve tona dhe ndërlidhin makinat, pajisjet inteligjente dhe spikerët inteligjent- dhe teknologjia na përgjigjet mbrapsht.

Në kohërat një dimensionale, kur komunikimi ushqehej vetëm nga marka-te-konsumatori, marketierët i jepnin shumë rëndësi zërit të markës në lidhje me reklamat televizive dhe reklamat e radios. Me ndryshimin e tregut, zëri kaloi në nivel dytësor ndaj dizajnit vizual. Perceptimi ishte që markat më shumë shiheshin se sa dëgjoheshin. Ndaj iu dha më shumë rëndësi perfeksionimit të pamjes dhe ndjesisë që përcillte marka dhe u kufizua tingulli në xhingël apo në zëdhënës të markës. Sot zëri është rikthyer në vijën e parë. Ai jo thjeshtë e meriton të njëjtën vëmendje sa brandimi vizual. Ai është bërë domosdoshmëri.


Të ndërtosh një mënyrë të qëndrueshme të punuari: Ogilvy mbi “Manaxhimin e punës në distancë

Parathënia më poshtë është shkruar nga Rory Sutherland. Teksti i plotë, Të ndërtosh një mënyrë të qëndrueshme të punuari: Ogilvy mbi “Manaxhimin e punës në distancë” u përmblodh nga Ogilvy UK People Team dhe nga Ogilvy Consulting Behavioral Science Practice, të drejtuar respektivisht nga Helen Matthews dhe Sam Tatam.

Screen Shot 2020-03-23 at 10.21.41 AM.png

David Ogilvy nuk ka shkruar ndonjëherë ndonjë gjë në zyrë.“Ka shumë gjëra që tëshpërqëndrojnë” shpjegonte ai.

Rrjedhimisht ai e ktheu në praktikë të punuarit gjithmonë nga shtëpia.Vërtetështëpia e tij ishtë një kështjellë e shekullit të12-të, me 50 dhoma, në brigjet e lumit të Vienës (Francë), por ajo që dua të them është, që në një biznes idesh, vendndodhja nuk duhet të ketë rëndësi.Nga thellësia rurale e Francës, David Ogilvy vazhdoi të dërgonte dije dhe frymëzim në zyrat e tij në të gjithë botën. (Sasia e korenspondencësishte aq e madhe sa postieri i tij u ngrit në detyrë dhe mori një makinëtë re nga La Poste.)

Shumë veta e dinë që unë gjithmonë kam besuar që ne duhet të punojmë më shumë nga shtëpia, faktkyqëirriton shumë prej kolegëve të mi. Unë mendoj qëidetë tona më të mira lindin ose prej bashkëpunimeve energjike dhe shumë të frytshme ose prej periudhave të pandërprera izolimi. Deri tani kam menduar që raporti anonte tepër drejt opsionit të parëme “Shumë shpërqëndrime”. Tani, të paktën për disa muaj, do të shihni raportin të anojë ndjeshëm drejt opsionit të dytë.

Në kohë si këto, është detyra jonë që ta bëjmë këtë mënyrë të punuari të funksionojë.Është thelbësore që ataprej nesh që munden të punojnë në distancë, ta bëjnë- duke i lënë hapësirat publike më pak të populluara përata që kanë më shumë nevojë. Talenti i industrisë së reklamave ndodhet në gjetjen e forcave tëtë panjohura: në shndërrimin e dobësisë në forcë.

“Gjëra të mira vijnë përata që presin.” Ose siç thoshte Salman Rushdie para se të linte në mënyrë të pashpjegueshme Ogilvy-n për t’u bërë shkrimtar: “Kek me Krem të Freskët-I dëmshëm por i shijshëm”.

Pikërisht këtë duhet të bëjmë ne me këtësituatë, ta kthejmë në avantazh.

Së pari, nëse kenjë idë për çfarëdolloj gjëje – një slogan, rregull, aplikacion, ide dizajni që mund tëna ndihmojë etj.– ndaje me ne. Nëse është e mirë, ne do ta ndajmë me të tjerë.

Së dyti, bëj të njëjtën gjë më klientët e tu. Siç shumë prej jush kanë treguar, kjo është një mundësi për markat që të shpalosin anën e tyre më të mirë. Nëse ke ndonjë ide se si brandi i klientit tënd mund të shkëlqejë, thuaje me zë të lartë. Ti duhet të vetë izolohesh, por jo të jesh itërhequr.

Së treti, bëj diçka për kolegët etu. Mbani lidhjet. Mbani të ngritur humorin e njëri tjetrit.Nëse ndonjëri ka një problem, duhet ta ndajë me të tjerët.Qëndroni nëkomunikim. Sot kemi patur disa takime në Zoom. A funksionojnë po aq mirësa takimet ballë për ballë? Jo, por në 90% të rasteve po.

Nëse ke nevojë për më shumë teknologji, atëherë thuaje.

Së katërti, bëj diçka për fqinjin tënd. Kujdesu për këdo që duket i stresuar.

Së fundmi, bëj diçka për veten tënde.Diçka që ke dashur ta bësh prej shekujsh, por që s’ke patur kurrë kohë ta bësh.Shkruaj.Humb në peshë (qëllimi im personal). Lexo Prustin. Mëso spanjisht. Nuk do ta kesh kurrë më këtë mundësi.

Do të jetë një periudhë e zymtë. Por jo çdo gjëështë kaq keq. Kur e gjitha kjo të ketë mbaruar, do tëkemi mundësinë tëndërtojmë një botë komerciale më të shëndetshme dhe një shoqëri më të mirë. Ne nuk jemi një biznes anti-kapitalist, por shumica prej nesh mendojnë që gjatë dekadës së fundit, prioritetet e biznesit dhe te qeverisë kanë marr drejtimin e gabuar. Kjo është një mundësi për të gjithë që t’ia nisin nga fillimi me diçka më të mirë.

Dhe mos harro të bësh dush.Jo, ne nuk nuhasim gjë, por ti po. Pak respekt për veten nuk i bën keq askujt.

Pasi të kesh bërë dushin, lexo faqet në vazhdim për pak frymëzim.


Trendet që do të mbizotërojnë në 2020 në fushën e marketingut digital

Pritet që fokusi kryesor i rrjeteve sociale për këtë vit të jetë përmirësimi dhe shtimi i karakteristikave, të cilat do t’u vijnë në ndihmë bizneseve që operojnë në fushën e tregëtisë elektronike (e-commerce), për t’u ofruar klientëve të tyre potencialë një eksperiencë dhe lundrim sa më të thjeshtë gjatë blerjeve online.

Rezultatet nga bashkëpunimi i brandeve me influencers do të jenë më transparente dhe më të sakta, sepse karakteristikat e reja që do të publikohen do e bëjnë më të lehtë monitorimin dhe verifikimin e shitjeve të gjeneruara nga secili influencer.

Përmirësimi i teknologjisë AR do t’i bëjë më të prekshme dhe do t’i sjellë produktet më afër klientëve.

Gjithashtu, platformat që gjurmojnë veprimet e përdoruesve online do të vazhdojne të zhvillohen dhe si pasojë, reklamat e sponsorizuara do të jenë më të personalizuara dhe më të përshtatshme.

Sa më shumë kalon koha, aq më shumë po humbet besimi tek influencers.

Perceptimi i krijuar gjerësisht është se rekomandimet dhe këshillat që ofrojnë nuk janë të sinqerta dhe se për ta me rëndësi janë përfitimet që kanë nga promovimi i produkteve/shërbimeve të ndryshme.

Gjithsesi, parashikohet që të kemi një rritje të ashtëquajturve “influencers të mirë”, të cilët besojnë në produktet që promovojnë dhe se nuk bëjnë asnjë kompromis me cilësinë e tyre.

TikTok do të jetë platforma e re e preferuar për ta dhe krahas fotografive dhe videove, në portofolin e përmbajtjes që krijojnë, pritet të shtohen dhe podcasts.

Shqetësimet mbi mbrojtjen e të dhënave personale, nismat për ndalimin e lajmeve të rreme e kontrollin e fakteve dhe rritja e ndërgjegjësimit mbi shëndetin mendor do të sjellin ndryshime rrënjësore në mënyrën e përdorimit të rrjeteve sociale. Përdoruesit do të jenë shumë të rezervuar në postimet që shpërndajnë dhe ndërveprimet me postimet do të pakësohen.


Duke Rritur Vlerën e Brandeve për Gjeneratat e Ardhshme

Duke Rritur Vlerën e Brandeve për Gjeneratat e Ardhshme

Nga

E Qendrueshme Mjaftueshëm nuk është Mjaftueshëm. Edhe pse rinia e sotme vazhdon të jetë katalizator i aksioneve të ndryshimeve ambientaliste, brandet kanë qenë të zëna duke u përfshirë në çështje ambientale si dhe të tjera të të mirës sociale përmes iniciativave të vazhdueshme apo sporadike të Corporate Social Responsibility.

Duke Rritur Vlerën e Brandeve për Gjeneratat e Ardhshme ka si qëllim të ndihmojë brandet të kuptojnë se si ato mund të ndihmojnë që bota dhe bizneset të bëhen më të mirë më shpejtë duke i bërë përpjekjet e tyre CSR si pjesë thelbësore e brandit të tyre.

Duke u bazuar mbi strukturat e ngritura dhe të dhënat e ekspertëve të fushës, akademisë si dhe duke vrojtuar dhjetra brande, ky studim tregon historinë e origjinës së CSR, evolucionin e konsumatorëve në kërkesat e tyre për të mira dhe shërbime të qendrueshme, dhe të papriturat dhe sukseset e brandeve në ekzekutimin e aktiviteve CSR.

Nga Conspicuous Consumption (shpenzimi i parave thjesht për t’u dukur) deri te Conscious Consumption modern, ky studim ekzaminon si konsumatorët kanë ndryshuar me kalimin e viteve çka ka detyruar brandet të kenë një qasje tjetër ndaj CSR. Nga projekte të vetme e deri tek modele biznesi të ndërtuara mbi Circular Design (model që bazohet mbi riciklimin dhe ripërdorimin e materialeve), brandet kanë qenë aktive me ndërmarrjet e tyre CSR por ka ende shumë rrugë për të bërë.

Studimi mbyllet me disa rekomandime që brandet mund t’i marrin dhe ta bëjnë CSR një përbërës kyç dhe origjinal të identitetit të tyre.

Pikat kyçe të studimit:

  • Brandet janë në faza të ndryshme të CSR – nga iniciativa të vetme tek ato që ja kanë dalë të bëhen plotësisht ekosisteme me qëllim nga pas
  • Ka gjithmonë një çmim për të qenë i qendrueshëm – e ardhmja e konsumit me ndërgjegje është atëherë kur produktet e qendrueshme janë të përballueshme dhe të arritshme nga të gjitha grupet me fuqi të ndryshme ekonomike
  • Thelbi i një brandi mbart një qëllim, pozicionim dhe plane veprimi – të gjitha iniciativat CSR duhet të vijnë si rrjedhojë e thelbit dhe të ndihen nga brenda dhe jashtë
  • Ka plot aktivitete të qendrueshme që ndodhin sot nëpër botë – brandet që kanë vlerë do të vështrojnë veten në pasqyrë dhe të shpenzojnë kohë për të bërë bashkë aktivitetet CSR me thelbin e tyre.


to brand or not to brand

To Brand or Not To Brand: Nga Simbolet dhe Historitë tek Sistemet

to brand or not to brand

To Brand or Not To Brand: Nga Simbolet dhe Historitë tek Sistemet

Industria e marketingut është në mes të një ndryshimi sa të tmerrshëm po aq edhe emocionues.

Teknologjia më e shpejtë dhe më intuitive po i rrit akoma më shumë pritshmëritë. Njerëzit tashmë duan të kenë më shumë kontroll dhe fuqi në transaksione nga të dhënat e tyre, çka e ndryshon edhe nocionin e tyre e të qënit konsumator.

Sot ka më shumë kanale, më shumë zgjedhje, më shumë shpejtësi, më shumë konfuzion, më shumë zhurmë – dhe më pak sinjal. Në këtë ambient fragmentar, që lëviz me shpejtësinë e një algoritmi, lind natyrshëm pyetja:

To Brand or Not To Brand?

E vërteta është kjo: shumë në industrinë tonë nuk i kuptojnë aq sa duhet markat. Disa mendojnë se “marka” dhe “produkti” janë të ndryshme. Ose se marka është një shtresë komunikimi. Por këto në fakt i përkasin manifestove të ekzagjeruara apo filmave ikonë. Shumë krenare për të shitur gjithçka, shumë fisnike për të qenë të përdorshme. Për t’i bërë markat më të vlefshme për njerëzit dhe anasjelltas, ne duhet të dimë se si evoloi koncepti i markës dhe çfarë roli ka ajo në tregun modern.

Marketerët harrojnë se tregtia e tyre rrjedh nga praktika e brandimit të aksioneve, nga akti i vendosjes së një shenje në kafshë për të treguar pronësi. Por si e përqafuam këtë metodë edhe në botën komerciale?

Për ta thënë me fjalë më të thjeshta, nevoja për markën është çështje zgjedhjeje dhe konsistence. Teksa gjithmonë e më shumë objekte të së njëjtës kategori dalin në sipërfaqe, e vetmja mënyrë për t’u dalluar nga alternativat është duke shtuar një markë të dallueshme. Kur bagëtitë duken njësoj, ne u vendosim shenja me djegie, tatuazhe apo etiketa. Kur gotat e verës në një festë gjatë pushimeve duken njësoj, ne (fatkeqësisht) u shtojmë elementë ngjitës si Frosty the Snowman, apo akoma edhe më keq. Cilado të jetë “marka” e shtuar, ajo shërben si një rrugë e shkurtër. Ajo komunikon një sasi të bollshme informacioni me një të shikuar. E njëjta gjë vlen edhe për produktet dhe shërbimet komerciale; markat i ndihmojnë konsumatorët të lundrojnë në paradoksin e zgjedhjeve.

Evolucioni i markës është një nënprodukt i ndërlidhjes së kulturës me tregtinë. Teksa tregu evoluon, të njëjtën gjë duhet të bëjnë edhe markat për të kënaqur nevojat dhe dëshirat që ndryshojnë të konsumatorëve. Sadoqë markat dhe kompanitë do të donin të ishte e kundërta, marka është një reagim ndaj kulturës konsumatore – jo e kundërta. Nuk ju mbushet mendja? Në artikullin më poshtë do të eksplorojmë evolucionin e markës duke ndjekur një linjë socio-ekonomike. Kjo do ju tregojë se si evente historike të rëndësishme dhe avancime teknologjike, detyruan markat të ndryshojnë, përshtaten në mënyrë të vazhdueshme dhe modifikojnë mënyrën se si ndërveprojnë me konsumatorin.

Klikoni këtu për të lexuar publikimin e plotë, “To Brand or Not To Brand”.


Pse Brandimi Nuk i Duhet Lënë Vetëm Reklamave për Markën

Pse Brandimi Nuk i Duhet Lënë Vetëm Reklamave për Markën

Nga Tim Burke, Senior Vice President, Group Creative Director, Eicoff

Një shenjë e një marke të fortë është aftësia e saj për të shkëlqyer në çdo mjet komunikimi. Ekran. Print. Video. Madje edhe në Zeppelin. Një markë e fortë duhet t’i përshtatet ambientit të saj të ri ndërkohë që i qëndron ende look-ut, tonit dhe personalitetit të brendshëm për të cilat ka harxhuar shumë kohë (dhe me shumë mundësi $$$) për t’i ndërtuar.

E njëjta ide aplikohet kur objektivi i reklamës tuaj ndryshon. Kur ju keni ndërmend një objektiv me reagim të menjëhershëm, ose kur nocioni “rritja e shitjeve” në reklamimin tuaj, i bën njerëzit të thonë:

“Po… marka?”

Pyetje e drejtë. Dhe e rëndësishme për ta bërë. Realiteti është që nuk keni pse të lini mënjanë frymën apo ndjesinë e markës suaj kur synoni për një kreativë me më shumë veprim nga pas. Thjesht duhet të tregoheni të zgjuar se si e përfshini atë. Një taktikë e përhapur është thjesht duke vendosur nje call-to-action në fund të reklamës suaj televizive mbi markën. Edhe pse kjo lëvizje s’do ju dëmtojë markën, me shumë mundësi nuk do të gjenerojë rezultatet që ju prisni. Për të krijuar një reklamë që nxit reagimin kërkon një transformim më madhor.

Kështu, këtu po ju ofroj disa mendime se si të mbani markën tuaj në kreativën që ka si fokus reagimin e menjëhershëm.

Kujdes tonin

Edhe pse toni i çdo marke nuk do mund të kthehet plotësisht në përgjigje të menjëhershme, shumë prej tyre s’do të përbëjnë problem. Mos shkoni drejt ndryshimit. Më mirë fokusohuni në aspektet e dukshme të tonit të markës suaj dhe injektojeni atë në kreativën tuaj direkte. Për shembull, nëse marka juaj është modeste nga natyra, mos filloni të silleni në mënyrë arrogante në kreativen tuaj direkte. Përulësia do të funksionojë në mënyrë perfekte në mjedisin e ri. Nëse toni i markës beson tek thjeshtësia, mos u fusni në teknikalitete në kreativën direkte. Thjesht mundohuni shumë t’i shpjegoni gjërat shkurt dhe qartë. Një ton konsistent ndihmon markën tuaj të dallohet në çdo pikë kontakti me konsumatorin.

Përqafoni look-un tuaj

Duke filluar nga lloji i shkrimit e deri tek fytyrat që paraqisni, ka pafund mënyra për të lidhur identitetin e markës suaj me mediat e shumta që përdorni. Një nga më të lehtat është përmes graphic design. Nëse marka juaj nuk ka elemente unike design-i, atëherë krijoni disa. Ndërtoni disa që e ndihmojnë markën tuaj të diferencohet nga turma dhe të dallohet – kudo. Mendoni për ngjyrat, trajtat, ikona të mundshme, madhësia, me gërma kapitale, pa të tilla apo vetëm në fillim. E kuptoni vet. Gjithashtu, do ju bënte mirë t’i testoni fillimisht këto. Shikoni sa mirë shkojnë me media apo platforma të ndryshme përpara se t’i lançoni në botën e vërtetë.

Sugjeroni audion

TV, video dixhitale apo radio, të gjitha ofrojnë mundësine të ndërtoni markën përmes audios. Në disa raste, një voiceover i markës mund të kthehet pa problem në përgjigje direkte. Herë të tjera, kjo mund të mos funksionojë fare. Si do që të jetë, vlerësoni dhe vendosni. Nëse funksionon, atëherë ju keni një lidhës tjetër të markës. Muzika është e ngjashme. Në reklamimin e markës, muzika shpesh është elementi i vetëm që mbahet mend. “E dashuroj këtë këngë!” Në botën direkte, muzika është thelbësore për të ushqyer emocionet dhe vendosur ritmin, por duhet të jetë dytësore ndaj mesazhit. Nëse marka juaj zgjedh një lloj zhanri muzikor – country, urban, pop, cowbell-only rock – kjo mund të jetë gjithashtu një mënyrë gjeniale për të krijuar konsistence. Dhe së fundmi, një audio “mnemonic” (muzikë që të ngel në mendje) është një taktikë e thjeshtë që ndihmon në diferencimin e markës dhe kujtesën e saj. Megjithatë, ashtu si një element design-i, mundohuni të keni një audio mnemonic që mund të qendrojë kollaj në përmbajtje të ndryshme. Për shembull, nëse mnemonic i juaj ka një tingull qesharak, me siguri nuk do të funksionoje në një video tepër emocionale.

Një markë e fortë duhet gjithnjë të dizenjohet me një nivel rreptësie (mos e provoni!) dhe fleksibiliteti (le t’i thyejmë pak rregullat). Dhe cilido qoftë objektivi – ndërgjegjësim, promocion, kliente potencialë, shitje – i reklamës suaj specifike, duhet parë gjithmonë si një mundësi për të avancuar markën. Besojeni ose jo, një spot televiziv i fokusuar fort drejt shitjeve, produktit dhe ofertës mund të jetë mjaft tërheqës për syrin, veshin dhe zemrën e dikujt.


Shtoni pak Magji tek eksperienca konsumatore

Shtoni pak Magji tek eksperienca konsumatore

“Shikoni me sy të mahnitur gjithë botën përreth jush pasi sekretet më të mëdha gjenden gjithmonë në vendet më të paimagjinueshme. Ata që nuk besojnë tek magjikja nuk kanë për ta gjetur kurrë atë.”

Këto rreshta janë nga faqja e fundit e “The Minpins”, një libër i publikuar më 1991, pak muaj pas vdekjes së Dahlit. Ky libër është kontributi i fundit i autorit ndaj një karriere mahnitëse letrare. Roald Dahl, autori shumë i dashur i librave për fëmijë, ishte një gjeni shkatërrues. Dhurata e tij? Një aftësi e cuditshme për t’i bërë fëmijët të mendojne se ketu ishte dikush që i kuptonte plotësisht ata.

Të paktën, kështu ishte ai për mua.

Historitë e tij të shkara e të cmendura më kanë mbajtur si skllav nga pas kur isha fëmijë. Pa “James and the Giant Peach”, “The B.F.G.”, “Charlie and the Chocolate Factory”, “The Twits”, “The Witches”, “Fantastic Mr. Fox”, “Matilda”, “Danny the Champion of the World” si dhe shumë të tjera, me siguri që nuk do të isha ky që jam sot. Rreshtat e tij më bënin të udhëtoja në mendime, të qeshja e më linin pa frymë duke kërkuar gjithnjë e më shumë. Ato më dhuruan një dashuri të pamasë për leximin dhe shkrimin. Por pjesa më magjike e tyre ishte se më bënin të mendoja se ai më njihte mua. Ky njeri madhështor, në kasollen e tij të shkrimit, më kuptonte mua – një djalë në Afrikën e Jugut, mijëra milje larg.

Mendoj se arsyeja pse u lidha aq shumë me të, pse më largonte plotësisht nga kjo botë – përtej faktit që ishte gjeni – është se ai ishte kurioz prej natyre. Dahl ishte i aftë të shikonte botën, të shikonte realisht përtej saj dhe të dallonte të zakonshmen, gjërat e përditshme që e bëjnë jetën kaq magjike dhe absurde.

Kjo aftësi – për të përthithur botën rreth e përqark nesh, të shikoje e degjoje dhe të gjeje frymëzim – është thelbi se si ne e fillojmë procesin e krijimit të eksperiencave konsumatore që mbeten gjatë në mendjet tona.

Një libër është ndoshta shembulli më i thjeshtë i një eksperience konsumatore. Ne e nxjerrim atë nga rafti dhe fillojmë ta shfletojmë, duke imagjinuar mbi aventurat që do të lexojmë. Dhe, nëse autori është i aftë, ne e gjejmë veten të përpirë plotësisht nga libri, duke pritur me padurim të kalojmë të faqja tjeter. Pse?

Sepse historitë, nga “Beowulf” te “The B.F.G”., janë të rrënjosura tërësisht në psikologjinë dhe ADN-në tonë. Neuroshkencëtarët pretendojnë që emocioni është rruga më e shpejtë për te truri dhe se historitë janë 22 herë më te kujtueshme se faktet. Kjo sepse truri çliron dopaminë kur përjeton dicka emocionuese, duke e bërë atë më të lehtë për t’u mbajtur mend.

Historitë janë të fuqishme sepse ato na flasin direkt, në një nivel emocional. Ato na bëjnë të mos ndihemi vetëm në këtë botë dhe sikur nevojat, dëshirat dhe frikërat tona kuptohen plotësisht nga të tjerët.

Kjo nuk ndodh rastësisht, por duke e dizenjuar atë. Për të krijuar një lidhje emocionale me dikë duhet që të dëgjosh, shikosh dhe mësosh. Kjo është po aq e vërtetë në shkrimin e një libri aq sa ç’është në krijimin e eksperiencave konsumatore unike për markat.

Dhe gjithcka fillon me konsumatorin, jo markën.

Kështu fillojnë të gjitha historitë – me një hero në botën e tyre të zakonshme – si Charli Bucket. Dahl, duke na paraqitur Charlie-n në shtëpinë e tij të vogël së bashku me prindërit dhe 4 gjyshërit e tij, na tregon shumë mbi të dhe problemin e tij – duke dashur të largohet sa me shumë nga varfëria.

Pa një konflikt për heroin tonë nuk ka histori. E njëjta gjë ndodh me markat. Vetëm nëse markat vërtetojnë që e kuptojnë problemin kryesor të klientëve të tyre dhe ofrojnë zgjidhje në mënyra të paimagjinuara më parë do të mund të kenë impakt. Në të kundërt do të jetë e vështirë.

Markat duhet të tregojnë që ato e kuptojnë problemin që hasin klientët e tyre dhe më pas ofrojnë këshilla dhe ekspertizë për ta zgjidhur atë, dhe askush tjetër nuk mund të bëjë këtë gjë. Në terma të historisë, cila është marka? Atëherë, nëse klienti është Charlie Bucket, marka është Willy Wonka – udhërrëfyesi dhe mentori – duke ofruar zgjidhje të besueshme, autentike dhe unike ndaj problemit më të madh të klientit.

Aty ku suksesi matet nga ndërveprimi dhe kënaqësia konsumatore, storytelling nuk është vetëm një mjet efektiv, por mund të jetë transformues. Duke transformuar mënyrën se si ne mendojmë, planifikojmë dhe flasim rreth markave. Dhe gjithcka nis me klientin.

Si një autor, student i storytelling dhe planifikues me mbi 20 vite në advertising, dëshiroj ta shikoj botën me sy xixëllues si Roald Dahl. Sepse, mund të jetë e vetmja mënyrë për t’i parë me të vërtetë gjerat – dhe për zbuluar magjiken mes tyre.

Fundja, ç’është eksperienca konsumatore pa magjiken?

Nga David Hofmeyr, Partner Strategjik tek Ogilvy UK